ФАНОВИТЕ НА ТИНЕНЏЕЛС ЈА НАПАДНАА ЕУГЕНИЈА ТОБАЛ

Додека ТинЕнџелс настапуваа во шоуто "Soñando por cantar", Eугенија Тобал (бивша сопруга на Кабре, сегашното момче на Еуге) објавуваше разни статуси на својот Твитер профил.
ТинЕнџелс предизвикуваат хаос насекаде каде што одат. И нивните фанови прават сешто за да ги видат. Во понеделникот, ТинЕнџелс беа во шоуто "Soñando por cantar". До тука сѐ е нормално. Росио Игарзабал, Гастон Далмау, Николас Риера, Питер Ланзани и Лали Еспосито го изведуваа хитот "Llega en forma de amor" на монтираната сцена во Сан Исидро. Сепак, на крајот на шоуто, кога еден од членовите сакаше да се заблагодари на публиката, не се слушаше поради проблем на микрофонот.

Во тој момент, Еугенија Тобал, која ја гледала програмата, објави на Твитер. "Микрофоните, микрофоните за тинејџерите!" По неколку секунди, проблемот се реши и таа повторно напиша: "Еве... да не е плејбек? Нееее, хахаха!".
Како и што се очекуваше, фановите на ТинЕнџлес и одговорија со многу тврдост на актерката, велејќи и дека нејзиниот екс-сопруг, Николас Кабре, ја оставил поради екс-членка на групата, Еугенија Суарез.
"Ти оди да се грижиш за твојот развод, бидејќи ако не се сеќаваш твојот екс те остави поради една од ТинЕнџелс", објави една обожавателка. Друг напиша: "Наместо да критикуваш погледни се во огледало. Неможеш да ја пееш ниту 'La Gallina turuleca'".
Тобал реши да се брани: "За фановите на ТинЕнџелс. Не бидете невоспитани, не навредив никого. Само реков дека не ги поставиле микрофоните. Ако не ви се допаѓам, не следете ме".