Интервју со Гастон Далмау (Рама) на македонски јазик

Се сеќаваш како те известија дека си дел од "Ангели"?
-Да. Беше навистина чудно, и мојата историја со Крис Морена започна одамна. Еднаш, видов во списание наменето за "Rebelde Way" дека има кастинг. Пратив мои фотографии и ме избраа мене помеѓу илјадници. Го прекинав одморот со моите пријатели и отидов. Бев со две девојки, тие имаа некоја мала улога во "Rebelde Way", а јас ништо. По некое време ме повикаа во работилниците на Крис, се запознав со неа, и пак ништо. Потоа, се пријавив за мала улога за крајот на "Alma Pirata", и одтаму дојдов во "Ангели". Кога дојдов, речиси сите беа веќе избрани, видов дека сите беа помали од мене. Ми се јавија дома и ми рекоа дека ќе бидам Рама. Не можев да верувам! Мислам дека Крис ме подготвуваше за тој момент.
И твојот живот наеднаш се промени...
-Тотално! Кога станав дел од "Ангели", ме избраа и за филмот "La camara oscura". Морав да одлучам, бидејќи не ми дозволуваа да ги работам двете нешта, и се одлучив за тинејџерската серија. Не се каам за тоа, ме направи познат и ме научи се' што знам.
Имаш пријатели од серијата?
-Имам луѓе кои многу ги сакам. На оваа возраст, тешко е да се спријателиш. Чудно, бидејќи некои од актерите ги чувствувам како браќа. Не се гледам долго време и кога пак ќе се сретнеме го чувствуваме истото чувство.
Од петте членови од "Tин Енџелс" ти си единствениот кој не зеде некоја силна работа. Зошто?
-Бидејќи завршив со "Ангели" исцрпен. Добив многу понуди, и Киќе Естеванез ми рече дека ме сака за следна серија, но му објаснив дека треба да одам надвор да се усовршам. "Сметај на мене за следна серија, но сега не можам", му одговорив. Имам желба да глумам и го чувствувам тоа како ми недостасува, но не избирам да бидам во серија за да луѓето ме гледа и ме заборави. Ако не ме прави среќен мене, нема ни другите.
Сe зборуваше дека ќе правите музички дует со Росио Игарзабал (Вале)...
-Имавме голема желба. Секогаш сакавме да пееме заедно. Рочи пишуваше на англиски, а јас ставав музика и ги преведував на шпански. Одлично беше, но таа беше зафатена со снимањата на "Dulce amor", а јас бев во САД. Немавме време. Во иднина, знам дека нешто заедно ќе направиме.
Колку време си сам?
-Три години. Не сум сам, но три години немам љубовна врска.
Изгледаш помлад, но имаш 28 години...
-Така изгледа, но 28-те години ги чувствувам. На улица, кога ќе ме прашаат за мојата возраст, се срамам да одговорам бидејќи сите ќе ми велат "Изгледаш помлад".
Во каков однос си денес со Крис Морена?
-Во контакт сме по е-маил, иаку не ја гледам често. Кога заминав за Њујорк, ми пиша и и' одговорив. Таа е жена што секогаш не' чуваше.