Интервју со Лали (Мар): Пишувам песни за мене

Интервју со Лали Епосито (Мар) во кое зборува за 3D филм на групата, за Крис Морена и за нејзината иднина како солист.
Што значи овој филм за тебе? 
-Чудно е она што ми се случува, бидејќи, секој од нас веќе го затвори овој циклус. Затоа, кога ми се јавија и кога ми кажаа дека ќе прават филм, се изненадив. Никогаш не замислував дека ќе има филм за групата. Потоа ми кажаа дека филмот е за оние што не можеле да не видат во живо. Тоа е идејата на филмот, но сеуште не сум го погледнала и не знам како излезе. 
Навистина сеуште не го погледна? 
-Не, воопшто! Со дечките сме лицето на филмот, но не изненади многу излегувањето на филмот, како и сите.
Со филмот дефинитивно се збогувате? 
-Незнам. За мене, збогувањето беше со последниот концерт во Кордоба, но потоа излезе ова. Не престанувам да се изненадувам.

Колку време не си ги видела дечките? 
-Ние секогаш се гледаме, на еден или друг начин. На сцената незнам кога ќе биде, засега не. Знам дека кога ќе го гледам филмот ќе плачам како осуденичка! 
Се зборува дека ќе издадеш солистички албум. 
-Не, засега не. Сеуште сум во процес во кој се пронаоѓам самата себеси, пеејќи и компонирајќи за мене. Пишувам песни за мене, кои излегуваат од срцето и се сретнувам со пријатели музичари и ми помагаат.
Крис Морена се враќа и ти не си дел од "Aliados". 
-Се радувам што се враќа на работа и сигурна сум дека и недостасувала телевизијата. Не се сомневам во неа, таа го прави тинејџерскиот свет како никој друг, најдобра е во тоа. Според она што ми го кажа Питер (Тијаго), серијата ќе биде многу добра бидејќи ја наоѓа неа во многу партикуларен момент од животот.
Во иднина, би работела ли пак со Крис?
-Секако, секогаш. Работењето со Крис е едно од најголемите задоволства што можат да се дадат на еден млад актер.