Интервју со Питер Ланзани (Тијаго): Ветив на Крис дека ќе бидам покрај неа

Интервју со Питер Ланзани (Тијаго) во кое зборува за 3D филмот на групата и новата серија "Aliados"...

Како беше да се учествува во филмот?
-Многу убаво, среќен сум. Филмот е неверојатен и веќе ја имав среќата да го гледам порано. Бидејќи морав да одам во театар поради 'Camila', ми дозволија да го гледам минатата сабота. Одлично излезе, дечките ќе станат емотивни бидејќи ги има шесте години што ги имавме со групата. Ова е шлаг на тортата по шест години од приказната.

Каква беше средбата со екс-членовите од групата? 
-Одлично, особено бидејќи одамна ги немам видено Рочи (Вале) и Нико (Тачо). Со Лали (Мар) се видовме пред некој ден, а со Гастон (Рама) се допишуваме бидејќи живее во САД. Денес ни пиша да ни посака среќа и рече дека би бил среќен да беше тука. Се чувствувам добро да бидам со нив, да ги гушнам, да муабетиме.

Твојот лик во "Aliados" се вика Ноа. Што има тој заедничко со тебе? 
-Немаме многу заеднички нешта, Ноа е многу поразличен од мене. Голем женкар е и негрижлив. Се надевам дека нема да бидам како него (се смее).

Како е да се работи со Крис Морена?
-Крис е најдобра, ја сакам. Таа е многу важна личност во мојот живот и пред некое време зборувавме и и ветив дека кога ќе се врати на ТВ, јас ќе бидам покрај неа. Па, еве ме. Проектот е многу интересен, Крис е гениј во својата работа, така да ќе биде спектакуларно.